رپورٹ : عمران خان
کراچی:ایف آئی اے نے اداکرہ نادیہ حسین کے خلاف سائبر کرائمز ایکٹ کے تحت تحقیقات شروع کردیں۔اداکارہ نادیہ حسین نے اپنے شوہر عاطف کی کروڑوں روپے کے مالیاتی فراڈ میں گرفتار ہونے کے بعد ایف آئی اےکے کراچی ڈائریکٹوریٹ آفس کے حوالے سے سوشل میڈیا پر سنگین الزامات عائد کئے تھے۔
ماڈل اور اداکارہ نادیہ حسین کے گھر چھاپا مار کارروائی کی گئی۔اس کے ساتھ ہی نادیہ حسین کو شامل تفتیش کرنے کے لئے انہیں ایف آئی اے سائبر کرائمز ونگ کراچی میں طلب کرلیا گیا ہے ۔اس کے لئے نادیہ حسین کو طلبی نوٹس بھی جاری کردیا گیا ہے۔۔گزشتہ روز اداکارہ نادیہ حسین کا موبائل تحویل میں لے لیا گیا۔جس کی ٹیکنیکل ٹیم موبائل کا فرانزک کروائے گی۔
تفصیلات کے مطابق بینک الفلاح سیکیورٹیز میں 540 ملین روپے کی خرد برد کا معاملہایف آئی اے کارپوریٹ کرائم سرکل کراچی نے سابق سی ای او عاطف محمد خان کو 08 مارچ 2025 کو گرفتار کیا۔ملزم عاطف محمد خان بطور سی ای او اپنے اختیارات کا ناجائز استعمال کرتے ہوئے مالیاتی دھوکہ دہی میں ملوث پایا گیا ۔
ملزم عاطف محمد خان کی گرفتاری کے بعد اس کی اہلیہ نادیہ حسین کو جعلساز کی جانب سے رشوت طلب کرنے کے لیے واٹس ایپ پر کال کی گئی۔ جعلساز نے ایف آئی اے کے سینئر افسر کی تصویر بطور ڈی پی استعمال کیا۔
نادیہ حسین نے ایف آئی اے کراچی سے رابطہ کیا، جس پر انہیں جعلی کال سے آگاہ کیا گیا۔ایف آئی اے نے نادیہ حسین کو سائبر کرائم رپورٹنگ سینٹر کراچی میں شکایت درج کروانے کی ہدایات کیں مس نادیہ حسین نے شکایت درج کروانے کے بجائے سوشل میڈیا پر ایف آئی اے کے خلاف بے بنیاد الزامات لگائے۔
سوشل میڈیا پر بے بنیاد الزامات لگانا قانون جرم ہے ایف آئی اے سائبر کرائم ونگ کراچی نے معاملے کا نوٹس لیتے ہوئے ۔نادیہ حسین کے خلاف پیکا ایکٹ کے تحت باقاعدہ تحقیقات کا آغاز کر دیا ہے۔کسی بھی فرد کو بغیر ثبوت اور شواہد کے بے بنیاد پروپیگنڈہ کرنے کی اجازت نہیں دی جا سکتی۔
نادیہ حسین کے الزامات نہ صرف حقائق کے منافی ہیں بلکہ ایک منظم ادارے کی ساکھ کو نقصان پہنچانے کی کوشش ہیں، جو کہ ملکی قوانین کے تحت ایک سنگین جرم ہے۔شہریوں کو مطلع کیا جاتا ہے کہ وہ کسی بھی مشکوک کال یا رابطے کی صورت میں فوری طور پر متعلقہ ادارے سے رجوع کریں
