انڈس گزٹ رپورٹ
ملتان: ایف آئی اے سائبر کرائم سرکل ملتان پنجاب کالج واقعہ میں نازیبا وڈیوز جاری کرنے پر دانیہ شاہ کے شوہر حکیم محمد شہزاد عرف لوہا پاڑ کو گرفتار کر لیا۔
ترجمان ایف آئی اے کے مطابق ملزم کو چھاپہ مار کاروائی میں ملتان سے گرفتار کیا گیا۔
ملزم نے دیگر ساتھیوں کے ساتھ مل کر لاہور کے نجی کالج میں مبینہ زیادتی کے واقعے پر نازیبا باتیں کیں۔ ملزم نے مبینہ زیادتی واقعہ کا مذاق بناتے ہوئے ویڈیوز بنائیں اور انٹرنیٹ پر شئیر کیں
مزید بتایا گیا کہ چھاپہ مار کاروائی میں ملزم کے قبضے سے موبائل فون برآمد ہوا۔ موبائل فون سے متنازعہ ویڈیوز، ٹک ٹاک اکاؤنٹس اور خواتین کے استحصال سے متعلق پیغامات و مواد برآمد کر لیا گیا۔
ترجمان کے مطابق ملزم کو گرفتار کر کے تفتیش کا آغاز کر دیا گیا ہے۔ جبکہ ملزم کے دیگر ساتھیوں بشمول چاچا سرائیکی کے خلاف مقدمہ درج کر کے کاروائی کا آغاز کر دیا گیا ہے۔
واضح رہے کہ گزشتہ دنوں مرحوم رکن اسمبلی اور معروف ٹی وی اینکر عامر لیاقت کی دوسری اہلیہ دانیہ شاہ نے اپنے وکیل حکیم شہزاد عرف لوہا پاڑ سے شادی کی تھی۔
